ఆంధ్రభారతి - తాళ్లపాక అన్నమాచార్య కీర్తనలు - తప్పులెంచ మరియాల తలవంచుకొననేల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1960-3
సంపుటము: 29-297

తాళ్లపాక అన్నమాచార్య

రాగము: కాంబోది

తప్పులెంచ మరియాల తలవంచుకొననేల చెప్పఁగల ప్రియములు చెప్పరమ్మా	॥పల్లవి॥
చింతలెల్లాఁ బెడఁబాసె సెలవుల నవ్వదేరె యింతలోనే విభుఁడు నీ యింటికి వచ్చె పంతము లాడేరె నిఁక బంగారు పీఁట వెట్టి వింతలేక యీతనికి విడె మియ్యవమ్మా	॥తప్పు॥
తనివిఁ బొఁదె మససు తలకూడెఁ గోరికలు చెనకి నీమగఁడు నీచేతికిఁ జిక్కె పనులెల్లాఁ జక్కనాయ పరపుపైఁ గూచుండి వినయాన మోవి తేనె విందువెట్టవమ్మా	॥తప్పు॥
సేసిన చేఁతలు చెల్లె సిగ్గులు మోమున నిండె ఆసతో శ్రీవేంకటేశుఁ డదె నిన్నేలె రాసికెక్కె నీ వలపు రతులను మెప్పించి మోసలేక వేఁడుకొని మొక్కు మొక్కవమ్మా	॥తప్పు॥