ఆంధ్రభారతి - తాళ్లపాక అన్నమాచార్య కీర్తనలు - అందుకే వెరగయ్యీ నప్పటనుండి నాకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1960-5
సంపుటము: 29-299

తాళ్లపాక అన్నమాచార్య

రాగము: శంకరాభరణం

అందుకే వెరగయ్యీ నప్పటనుండి నాకు సందడి నే పెండ్లాడీ సతులాల చూడరే	॥పల్లవి॥
తప్పక యేమి చూచీ నే తలవంచుకుండఁగాను చెప్పీ నేఁటివో సుద్దులు చెవిలోనను కప్పీఁ దనపచ్చడము కడు సిగ్గయ్యీ నాకు ఇప్పు డితఁడు వలపు లెంత రేఁచీనే	॥అందు॥
చెక్కు లేల నొక్కీనే సెలవి నే నవ్వఁగాను అక్కరతోఁ గూచుండీ నండకు వచ్చి మక్కువతోఁ జన్నులంటీ మరి సోద్యమయ్యీ నాకు యిక్కడ నితఁడు నన్ను నెంత రట్టుసేసీనే	॥అందు॥
చేతు లేమి చాఁచీనే చెంగట నే నుండఁగాను కాతరాన సేసవెట్టిఁ గమ్మి కొప్పుపై ఆతుమారాఁ గాఁగిలించీ నట్టె వెరగయ్యీ నాకు యీతల శ్రీవేంకటేశుఁ డెంత మన్నించీనే	॥అందు॥