ఆంధ్రభారతి - తాళ్లపాక అన్నమాచార్య కీర్తనలు - చుట్టపు వరుసలనే సోబనకాలము వచ్చె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1960-6
సంపుటము: 29-300

తాళ్లపాక అన్నమాచార్య

రాగము: ఆహిరి

చుట్టపు వరుసలనే సోబనకాలము వచ్చె యిట్టె కలకాలము నేలుకొనవయ్యా	॥పల్లవి॥
వెలఁదికి విరహపువేసఁగికాలము వచ్చె కెలిగె నిట్టూర్పుల గాలికాలము వలపులచెమటల వానకాలమును మించె యెల యింపు లిఁకనేల ఇంటికి రావయ్యా	॥చుట్ట॥
పడఁతి మై పులకల పైరు కాలము వచ్చె కడుఁగోరికల మంచుఁగాలము మీరె అడరి యెడమాఁటల ఆమనికాలమూఁ గూడె తడవుసేయక యట్టె దయఁ జూడవయ్యా	॥చుట్ట॥
సతి రతి చెనకుల జాజరకాలుము వచ్చె కతలై నవ్వు వెన్నెలకాలమూ రేఁగె తతిఁ గూడితివి యీకెఁ దగ శ్రీవేంకటేశ్వర సతమై యీలాగులఁ జనవియ్యవయ్యా	॥చుట్టు॥