ఆంధ్రభారతి - తాళ్లపాక అన్నమాచార్య కీర్తనలు - చెలులకునుఁ బతులకును సేయఁగల పను లివియ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1961-2
సంపుటము: 29-302

తాళ్లపాక అన్నమాచార్య

రాగము: సామంతం

చెలులకునుఁ బతులకును సేయఁగల పను లివియ నెలకొన్న పొందికలు నెరపవలె సకియా	॥పల్లవి॥
వలవఁగా వలవఁగా వాడికలు కడుఁ బుట్టు తలఁచఁగాఁ దలఁచఁగా తమి రేఁగును పిలువఁగాఁ బిలువఁగాఁ బ్రేయంబు లీడేరు సొలయఁగా సొలయఁగా సొరిది మది గరఁగు	॥చెలు॥
చెనకఁగా జెనకఁగా జెలరేఁగు వేడుకలు యెనయఁగా నెనయఁగా నింపు గలుగు పెనఁగఁగాఁ బెనఁగఁగాఁ బెరుగు జవ్వనమదము తనియఁగాఁ దనియఁగాఁ దగులు నివ్వెరగు	॥చెలు॥
వొరయఁగా నొరయఁగా నుప్పతిలు సరసంబు మరుగఁగా మరుగఁగా మలయు సుఖము యిరవైన శ్రీవేంకటేశ్వురుఁడు నిను నేలె పెరుగఁగాఁ బెరుగఁగా ప్రియురాలవైతివి	॥చెలు॥