ఆంధ్రభారతి - తాళ్లపాక అన్నమాచార్య కీర్తనలు - అటువంటి సతి నీకు నమరె నాయకుఁడ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1961-3
సంపుటము: 29-303

తాళ్లపాక అన్నమాచార్య

రాగము: పాడి

అటువంటి సతి నీకు నమరె నాయకుఁడ తటుకన నీకె తగుఁ దగునయ్యా	॥పల్లవి॥
చలముల నూరకసారెకు దూరక మెలుపున నానలు మీరక కిలఁ కిలఁ బతితో కెలయుచుఁ గేరక తలఁపులో మెలఁగు తరుణివో జాణ	॥అటు॥
పగటులు చూపక పంతాన నేఁపక మొగిఁ దప్పులు కడు మోపక అగడుసేసి వెడయాసలు రేఁపక నిగిడి రతిఁ గలయు నెలఁతవో జాణ	॥అటు॥
జాగులు సేయక జంటలు వాయక వేగిరపడి వొల వేయక యీగటి శ్రీవేంకటేశ మాఁట దోయక బాగుగఁ గూడిన పడఁతివో జాణ	॥అటు॥