ఆంధ్రభారతి - తాళ్లపాక అన్నమాచార్య కీర్తనలు - నీ వొళ్ళఁ గడమలేదు నేరుపరివి నౌదువు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1961-4
సంపుటము: 29-304

తాళ్లపాక అన్నమాచార్య

రాగము: మాళవిగౌళ

నీ వొళ్ళఁ గడమలేదు నేరుపరివి నౌదువు యీవేళ నీ మగఁడు నిన్నేమనీనోకాని	॥పల్లవి॥
చీరాఁ గట్టుకొంటివి సింగారించుకొంటివి బీరముతోఁ బెద్దకొప్పు వెట్టుకొంటవి గారవానఁ గన్నులను కాటుక దిద్దుకొంటివి కోరి నీ మగఁ డెప్పుడు గూడీనోకాని	॥నీవొళ్ళఁ॥
వీడెమూ వేసుకొంటివి విరులు ముడిచితివి వేడుక సొమ్ము వెట్టుక వెలసితివి వాడుదేరఁ గస్తూరి వన్నెగాఁ బూసుకొంటివి యీడనే నీమగఁ డెప్పు డేలీనోకాని	॥నీవొళ్ళఁ॥
వచ్చితి వింటికిఁ గొంగు వల్లెవాటు వేసితివి కొచ్చి నవ్వి పరపుపైఁ గూచుంటివి అచ్చపు శ్రీవేంకటేశుఁ డప్పుడే నన్నుఁ గూడె హెచ్చి యీ మగఁడే ని న్నెట్టెనసీనోకాని	॥నీవొళ్ళఁ॥