శృంగార సంకీర్తన
రేకు: 1961-5
సంపుటము: 29-305
రేకు: 1961-5
సంపుటము: 29-305
తాళ్లపాక అన్నమాచార్య
రాగము: రామక్రియ
| సెలవుల నవ్వనేల సిగ్గులు వడఁగనేల సొలసీ నాపె మోము చూడఁగదవయా | ॥పల్లవి॥ |
| కొత్త కొత్త విన్నపాలు కోమలి సేసీ నీకు చిత్తగించి వినవయ్య చెవులారను బత్తితోడ నీకు నిమ్మపండు గానుక యిచ్చీ హత్తి వేడుకతోడుత నందుకోఁగదవయా | ॥సెల॥ |
| గొప్ప గొప్ప చన్నులను కోరి నిన్ను నొత్తీని వొప్పు గొని మెచ్చవయ్యా వొద్దికతోను ముప్పిరిగొనఁగ తేనె మోవివే విందులు వెట్టీ దప్పిదేరఁ జవిగొని తనివి నొందవయా | ॥సెల॥ |
| మంచి మంచి విడే లిచ్చి మచ్చిక నీపైఁ జల్లీ కొంచక కాఁగట నించి కూడవయ్యా ముంచి శ్రీవేంకటేశుఁడ మునుపే న న్నేలితివి పొంచి యాపె నీకు మొక్కీ బొందులు సేయవయా | ॥సెల॥ |