ఆంధ్రభారతి - తాళ్లపాక అన్నమాచార్య కీర్తనలు - ఎదుటనే వున్నాఁడు యిదె నీ రమణుఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1961-6
సంపుటము: 29-306

తాళ్లపాక అన్నమాచార్య

రాగము: శంకరాభరణం

ఎదుటనే వున్నాఁడు యిదె నీ రమణుఁడు అదనిదె సరసము లాడవే యిపుడూ	॥పల్లవి॥
కలికితనంబుల కతకారీ పలుకవే వో చిలుకలకొలికీ తలిరు మోవిదంతపుబొమ్మా సెలవుల నవ్వేనే చెలువునితోడా	॥ఎదుట॥
చక్కఁదనంబుల జవరాలా నిక్కిచూడవే నీ పతిని జక్కవ చన్నుల జగ బిరుదా మొక్కఁగదవే మొగనికి నిపుడు	॥ఎదుట॥
పొసఁగిన నేర్పుల పూబంతీ కొసరవే రతుల చిగురుఁబోఁడి వసమై నిన్నేలె వలపులను వెసఁ బొగడవే శ్రీవేంకట విభుని	॥ఎదుట॥