ఆంధ్రభారతి - తాళ్లపాక అన్నమాచార్య కీర్తనలు - కొమ్మ గడుజవరాలు కోమలపు మేనిది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1962-1
సంపుటము: 29-307

తాళ్లపాక అన్నమాచార్య

రాగము: సామంతం

కొమ్మ గడుజవరాలు కోమలపు మేనిది నెమ్మది నుపలాలించి నెయ్యము చూపరాదా	॥పల్లవి॥
నిలుచుండి మాఁటలాడీ నెలఁత యప్పటనుండి పిలిచి వద్దఁ గూచుండఁ బెట్టుకోరాదా బలిసిన చనుఁగవభారము మోచుకున్నది అలరి నీ భుజముల నానుకొనరాదా	॥కొమ్మ॥
నిండుఁ గొప్పు జారఁగానే నీకు విడె మిచ్చీని అండనుండి గక్కన నీ వందుకోరాదా మెండుగ వలపు లొడి మెరసి కట్టుకున్నది దండితో నీవూఁ గొంత తాళుకోరాదా	॥కొమ్మ॥
పచ్చి చెమటలుఁ బక పక నవ్వీ నీతో మచ్చికఁ గాఁగిట నించి మన్నించరాదా ఇచ్చట శ్రీవేంకటేశ యేలితివీకె నింతలో కుచ్చి నీ పాదము లొత్తీఁ గోరి మెచ్చరాదా	॥కొమ్మ॥