ఆంధ్రభారతి - తాళ్లపాక అన్నమాచార్య కీర్తనలు - ఈకె నెట్టు దగిలితి వింతులెల్లా నుండఁగాను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1962-3
సంపుటము: 29-309

తాళ్లపాక అన్నమాచార్య

రాగము: రామక్రియ

ఈకె నెట్టు దగిలితి వింతులెల్లా నుండఁగాను నీకంటె మూరెఁ డెక్కుడు నీటుఁదనములను	॥పల్లవి॥
చెక్కుటద్దములు చూపి చెలి నిన్ను నెలఇంచె జక్కవ చన్నులు చూపి చల్లె వలపు నిక్కుఁ గొప్పు చూపి కొంత నీ మనసు గరఁగించె ఇక్కువలంట్టి తమక మింకా నెంత రేఁచునో	॥ఈకె॥
సెలవుల నవ్వు నవ్వి సిగ్గులెల్లా విడిపించె సొలపుఁ జూపులఁ జూచి చొక్కించెను వెలయఁగొన గోరూఁది వేడుకలు పుట్టించె మలసి కాఁగిటఁ గూచ్చి మరి యెంత సేసునో	॥ఈకె॥
కరములు పైఁ జాఁచి కళ లుప్పతిలఁజేసె సరుసనే మోవి చూపి చవులు నించె యెరవులేక శ్రీవేంకటేశ నన్ను నేలితివి యిరవయి తానూఁ గూడి యిట్టె యెంత సేసునో	॥ఈకె॥