ఆంధ్రభారతి - తాళ్లపాక అన్నమాచార్య కీర్తనలు - ఏ కాంత సేసినవో యీ చేఁతలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1962-4
సంపుటము: 29-310

తాళ్లపాక అన్నమాచార్య

రాగము: ముఖారి

ఏ కాంత సేసినవో యీ చేఁతలు ఆకె యెటువంటిదో ఆనతియ్యవయ్యా	॥పల్లవి॥
పుప్పొడి దాఁకినచోటు పువ్వులవేసినవాటు చొప్పు నీ మేన నున్నది చూచుకోవయ్యా చిప్పిలిపారేటియేరు చిమ్మనఁగోవిపన్నీరు తెప్పలఁ దేలేవు నీవే తెలుసుకోవయ్యా	॥ఏ కాంత॥
కురులువట్టిన పట్టు కూడని చొల్లెపు చుట్టు అరసి నీ చెలులనే అడుగవయ్యా వురము ముద్రల పొత్తు వుదుటుఁజన్నుల వొత్తు సరుగ నీకు నీవే విచారించుకోవయ్యా	॥ఏ కాంత॥
చెక్కున నుండిన రేక చిన్నికొనగోరి జోక యిక్కువ లవిగో నీవే యెంచుకోవయ్యా గక్కన శ్రీవేంకటేశ కాఁగిట నన్నేలితివి తక్కక నీ వేడుకలు తలఁచుకోవయ్యా	॥ఏ కాంత॥