ఆంధ్రభారతి - తాళ్లపాక అన్నమాచార్య కీర్తనలు - అవి యేఁటి యేకాంతాలో అడుగవయ్యా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1962-5
సంపుటము: 29-311

తాళ్లపాక అన్నమాచార్య

రాగము: నాగవరాళి

అవి యేఁటి యేకాంతాలో అడుగవయ్యా తివిరీ నప్పటనుండి తెలుసుకోవయ్యా	॥పల్లవి॥
కన్నులఁ దప్పక చూచి కడు బొమ్మల జింకించి సన్నలుసేసీ నాకె సారెకు నీతో చిన్నిపెదవుల లోలోసిగ్గుతోనె మాఁటలాడి ఇన్నేసి చేఁతలు సేసి యిట్టె యేఁకారీని	॥అవి॥
చుట్టి చుట్టి లాచి లాచి సోఁకఁ గప్పురాన వేశి గుట్టుతోఁ గొలువులోనఁ గొసరీ నిన్ను పట్టెఁడేసి చన్నులు పచారించి నీకుఁ జూపి నెట్టన నప్పటనుండి నీకుఁ బొంచుకున్నది	॥అవి॥
చిప్పిలఁగ నవ్వు నవ్వీ చేతులు నీపైఁ జాఁచి చొప్పువేసీఁ జెప్పరాని చుట్టరికము యిప్పుడు శ్రీవేంకటేశ యేలితివి నన్ను నేఁడు కప్పి పయ్యదమాఁటునఁ గరఁగించీ నిన్నును	॥అవి॥