ఆంధ్రభారతి - తాళ్లపాక అన్నమాచార్య కీర్తనలు - నీ తలనే వేగెనా నేఁ డిటువంటి వలపు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1963-1
సంపుటము: 29-313

తాళ్లపాక అన్నమాచార్య

రాగము: దేసాళం

నీ తలనే వేగెనా నేఁ డిటువంటి వలపు కాతరాన నందరికిఁ గల చాలే కదవే	॥పల్లవి॥
కొప్పు గడు జారినది కూడ ముడుచుకోవే చిప్పిలునవ్వులతో సిగ్గువడక తొప్పఁదోఁగీఁ జెమటలు దుడుచుకోఁగదవే దప్పిదేరేమోవితోడఁ దలవంచుకొనక	॥నీతల॥
చుక్కబొట్టు చెదరెను సొంపుగా దిద్దుకోవే గక్కనను చెక్కుచేతఁ గప్పుకొనక చక్కఁగా జిక్కువడిన సరు లమరించుకోవే మక్కువ నీ చెలులను మాఁటువెట్టుకొనక	॥నీతల॥
కంకణాలు వదలెను కదియఁ బెట్టుకొనవే కొంకుచుఁ బరాకు సేసుకొని యుండక అంకెల శ్రీవేంకటేశుఁ డన్నిటాను నన్ను నేలె యింకా నప్పటి నాతో నీడు వెట్టుకొనక	॥నీతల॥