ఆంధ్రభారతి - తాళ్లపాక అన్నమాచార్య కీర్తనలు - ఎంతని పొగడవచ్చు నిటువంటి మీ గుణాలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1963-4
సంపుటము: 29-316

తాళ్లపాక అన్నమాచార్య

రాగము: సాళంగనాట

ఎంతని పొగడవచ్చు నిటువంటి మీ గుణాలు సంతతముఁ జూచి మాకు సంతోసములాయను	॥పల్లవి॥
సరసురాలవు నీవు జాణకాఁ డాతఁడు మరి సరవు లిద్దరికిని సమకూడెను వొరపరిచేఁత నీది వొద్దికెల్లా నాతనిది సరికి బేసికి మీ సంగాతాలు చెల్లును	॥ఎంత॥
వలపులు నీ సొమ్ము వాడికెల్లా నాతనిది తలఁపులు మీలో మీకుఁ దారుకాణలే పిలుపులు నీ పాలు ప్రియము లాతనిపాలు కలిగిన మీ వేడుకలు ఫలియించెను	॥ఎంత॥
నగ నీవు నేరుతువు నను పాతఁడు నేరుచు నిగిడి మీ రతులెల్లా నెరవేరెను జిగి దేవులవు నీవు శ్రీవేంకటేశుఁ డాతఁడు మిగులాఁ జుట్టరికము మెరసెను మీకును	॥ఎంత॥