ఆంధ్రభారతి - తాళ్లపాక అన్నమాచార్య కీర్తనలు - తగవైతే నింతటను దయదలఁచఁగవలె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1964-1
సంపుటము: 29-319

తాళ్లపాక అన్నమాచార్య

రాగము: ఆహిరి

తగవైతే నింతటను దయదలఁచఁగవలె జిగి మా విన్నపములు చిత్తగించవయ్యా	॥పల్లవి॥
వట్టిమాఁకు లిగిరించ వనిత మాఁటలాడీని వెట్టికి నూఁకొనవద్దు వినవయ్యా గుట్టుతో రాయి గరఁగఁ గొలువులు సేసీని అట్టు నిట్టూఁ బరాకుగా కవధరించవయ్యా	॥తగు॥
కోటకిఁ బడగలెత్తి కుచములు నీకుఁ జూపీ జూటుఁదనములు మాని చూడవయ్యా తేటతెల్లములుగాను తెలసీ వావులు నీకు నీటున సిగ్గువడక నెయ్యము చూపవయ్యా	॥తగు॥
పోఁకకుఁ బుట్టెఁడు సేసి పొందుగా వలపు లమ్మీ యాఁకటలు దాఁచక అందుకోవయ్యా కాఁకదీరఁ గాఁగిలించీ గక్కన శ్రీవేంకటేశ వీఁకలు సేయక కూడి వెలయించవయ్యా	॥తగు॥