ఆంధ్రభారతి - తాళ్లపాక అన్నమాచార్య కీర్తనలు - సిగ్గువడ దించుకంతా చెలులెల్లాఁ జూడఁగాను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1964-2
సంపుటము: 29-320

తాళ్లపాక అన్నమాచార్య

రాగము: పాడి

సిగ్గువడ దించుకంతా చెలులెల్లాఁ జూడఁగాను బిగ్గెఁ గాఁగిలించుకొనీఁ బ్రియమెంతోకాని	॥పల్లవి॥
వేవేలు చుట్టరికాలు వేడుకతో నెరపీని వావి నాపె నీకేమిగావలెనోకాని దేవులవలెఁ గడు హత్తిన సేవలెల్లాఁ జేసీ భావించితే నెట్టి వొడఁబడికలోకాని	॥సిగ్గు॥
చెప్పరాని బత్తి నీపైఁ జేసి సేసి చూపీని యెప్పుడూ మీ నేస్తమ లేఁటివోకాని వొప్పగుపెండ్లికూఁతురే వొద్దనే కాచుకున్నది చెప్పరాని సలిగెంత చెల్లించేవోకాని	॥సిగ్గు॥
నాఁటుకొన్న తమితోడ నవ్వులెల్లా నవ్వీని చాటువైన మీలో నేమి సన్నలోకాని యీటున శ్రీవేంకటేశ యేలితివి నన్ను నేఁడు మాటలాడీ నాపె నీపై మచ్చికెంతోకాని	॥సిగ్గు॥