ఆంధ్రభారతి - తాళ్లపాక అన్నమాచార్య కీర్తనలు - అమ్మలాల అక్కలాల అవిగో వింత సుద్దులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1964-3
సంపుటము: 29-321

తాళ్లపాక అన్నమాచార్య

రాగము: గౌళ

అమ్మలాల అక్కలాల అవిగో వింత సుద్దులు నెమ్మది వింటిరటరే నిచ్చ నిచ్చ కొత్తలు	॥పల్లవి॥
అల్ల వాఁడే శ్రావణ బహుళష్టమిని నడురేయి చల్లఁగా రోహిణివేళ జనించినాఁడు వెల్లవిరి దేవకిదేవికి వసుదేవునికి మొల్లమిఁ గొడుకైనాఁడు ముద్దులకృష్ణుఁడు	॥అమ్మ॥
పొంచి యశోదానందగోపులకు సుతునివలెఁ బెంచఁగా రేపల్లెలోనఁ బెరిగీ వీఁడె ముంచి యీతనికంటేనె ముందే బలభద్రుఁడు అంచెల రోహిణీదేవి కవతరించినాఁడు	॥అమ్మ॥
మొదల దేవకతలకు మూలభూతి యితఁడట యెదుట లోకములెల్లా నేలీనటా అదిగో శ్రీవేంకటేశుఁడై యలమేల్మంగాఁ దాను చెదకు కాఁపురాలు సేసీనటా	॥అమ్మ॥