ఆంధ్రభారతి - తాళ్లపాక అన్నమాచార్య కీర్తనలు - మన చేతికిఁ జిక్కెను మగువలాల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1964-4
సంపుటము: 29-322

తాళ్లపాక అన్నమాచార్య

రాగము: లలిత

మన చేతికిఁ జిక్కెను మగువలాల వినయాన వేఁడుకోరే వీఁడె కాంతలాల	॥పల్లవి॥
వుబ్బుచుఁ గృష్ణుఁడు వాఁడే వుట్టులు గొట్టీ నదే గొబ్బునఁ బట్టఁగదరే గొల్లెతలాల అబ్బరపుఁ బాలు వెన్న లారగించి వారవట్టీ దొబ్బి తీసుకోరమ్మా తొయ్యలులాల	॥మన॥
యింటింటి వాకిట వచ్చి ఇదె చక్కిలాలు దీసీ అంటి పెనఁగులాడరే యంగనలాల దంటయై గోపాలులుఁ దానూఁ బరువులు వెట్టీ వెంటనే తగులరమ్మా వెలఁదులాల	॥మన॥
కాకుసేసి చన్నులంటి కాఁగిలించుకొనవచ్చీ యేకతాలకుఁ దియ్యరే యింతులాల యీకడ నలమేల్మంగ నేలి శ్రీవేంకటేశుఁడు మీ కోరి కిచ్చె మొక్కరే మెలుఁతలాల	॥మన॥