ఆంధ్రభారతి - తాళ్లపాక అన్నమాచార్య కీర్తనలు - ఎంతైనాఁ దనతో నే నెగ్గుపట్టేనా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1965-2
సంపుటము: 29-326

తాళ్లపాక అన్నమాచార్య

రాగము: ముఖారి

ఎంతైనాఁ దనతో నే నెగ్గుపట్టేనా చెంతనుండి నాచే సేవ సేయించుకొనుఁగాక	॥పల్లవి॥
సేయఁగలవెల్లాఁ జేసి సిగ్గులు వడఁగ నేలే చాయ సేసుకొని పొందు జరపుఁగాక యే యెడనో వుండి వచ్చి యేల వొడఁబరచీనే నాయందు కూరిమి చల్లి నవ్వుఁగాకా	॥ఎంతై॥
ముం దెవ్వతెనో పెండ్లాడి మొక మేమి చూచీనే అందాలు సేసుక మాఁటలాడుఁగాక విందు లెందో ఆరగించి విడెము లే లడిగీనే అంది నా పానుపుపైనే యవధరించుఁగాకా	॥ఎంతై॥
చుట్టాల సురభి తాను చొక్కుల నేల పెట్టీనే గుట్టుతోడ నా కాఁగిటఁ గూడుఁగాక యిట్టె శ్రీవేంకటేశుఁ డేలి న న్నేల మెచ్చీనే జట్టిగాఁదనకే మోవి చవిచూపుఁగాకా	॥ఎంతై॥