ఆంధ్రభారతి - తాళ్లపాక అన్నమాచార్య కీర్తనలు - నీ వెఱఁగవా తగవు నెరజాణవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1965-3
సంపుటము: 29-327

తాళ్లపాక అన్నమాచార్య

రాగము: రామక్రియ

నీ వెఱఁగవా తగవు నెరజాణవు వోవల నెగ్గుపట్టక వోరుచుకోవయ్యా	॥పల్లవి॥
చుట్టుకొన్న వలపులు సూటికి రాకుండితేను తిట్టుదురు మగవానిఁ దెరవలు గుట్టుతోడఁ దమకము గుబ్బతిలుకొంటాను వొట్టులు వెట్టి సారెకు నుప్పతింతురు	॥నీ వెఱఁగ॥
వేడుకతోడఁ గాఁగిలివేళ కొదగకుండితే యేడనైనా సొలతురు యింతులు తోఁడ దోడ నాసలు దొమ్మిఁ జిమ్మిరేఁచితేను జాడతోఁ జేతులు చాఁచి సాదింతురు	॥నీ వెఱఁగ॥
తలఁచిన తలఁపులు తారుకాణ రాకుండితే బలిమిఁ బెనఁగుదురు పడఁతులు యెలమి శ్రీవేంకటేశ యీకె నిట్టె కూడితివి లలనలు యిటులైతే లాలింతురు	॥నీ వెఱఁగ॥