ఆంధ్రభారతి - తాళ్లపాక అన్నమాచార్య కీర్తనలు - ఇన్నాళ్లుఁ బిన్నదిగాని యిప్పుడు వయసు వచ్చె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1966-3
సంపుటము: 29-333

తాళ్లపాక అన్నమాచార్య

రాగము: వరాళి

ఇన్నాళ్లుఁ బిన్నదిగాని యిప్పుడు వయసు వచ్చె విన్నవించితిమి నీకు వేడుక చూడవయ్యా	॥పల్లవి॥
మొలచి గుబ్బచన్నులు మొన లెత్తెను చెలరేఁగి కోరికలు చిగిరించెను నలుగడ జవ్వనము నన లొతైను చెలియతో వనకేలి సేతువు రావయ్యా	॥ఇన్నా॥
యింతి చెక్కు చెమటల యేరులు వారె వింతనవ్వుల పూవుల విరియఁ జొచ్చె చెంతనే గండుమీలు మించెను కన్నుల చింతదీర జలకేలి సేతువు రావయ్యా	॥ఇన్నా॥
చక్కని మోమున నిండె చంద్రకళలు మిక్కిలి మరబలాలు మేనిపై వాలె యిక్కడ శ్రీవేంకటేశ యీకె నిన్నుఁ బెండ్లాడె గక్కన సురతకేలి గావింతువు రావయ్యా	॥ఇన్నా॥