ఆంధ్రభారతి - తాళ్లపాక అన్నమాచార్య కీర్తనలు - ఆలి మగని తగవులవిగో చెప్పితి నీకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1967-6
సంపుటము: 29-342

తాళ్లపాక అన్నమాచార్య

రాగము: సింధురామక్రియ

ఆలి మగని తగవులవిగో చెప్పితి నీకు వాలాయముగా మఱవక తలఁచుకొమ్మీ	॥పల్లవి॥
యెడసిన తమితోడ నెంతయినా సొలతురు పడఁతులయ్యినవారు పతిని అడరి నీవు రావలెనని చెలికత్తెలచే యెడ మాఁటల దూరితి నెగ్గుపట్టేవు సుమ్మీ	॥ఆలి॥
కాఁకఁ బొరలినందుకు కైమీరి చెనకుదురు యేఁకరిన సతులు త మ్మేలినవాని తేఁకువతో నీవు నన్ను దిష్టించి చూడవలసి పోఁక పూఁబిలవేసితి పొంచి వోరుచుకొమ్మీ	॥ఆలి॥
అంచెలఁ గూడేటి వేళ అట్టె యేమైనాఁ జేతురు పొంచుకున్న వనితలు పొందైనవాని యెంచఁగ శ్రీవేంకటేశ యెనసేవేళ నీ మోవి యించుక గంటిసేసితి నేమీ ననకుమీ	॥ఆలి॥