ఆంధ్రభారతి - తాళ్లపాక అన్నమాచార్య కీర్తనలు - ఇందాఁకా నెఱఁగనైతి నిట్టె నీ మంచితనాలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1968-5
సంపుటము: 29-347

తాళ్లపాక అన్నమాచార్య

రాగము: నాగవరాళి

ఇందాఁకా నెఱఁగనైతి నిట్టె నీ మంచితనాలు అందమాయఁ బనులయ్యా ఔదువయ్యా జాణవు	॥పల్లవి॥
చెక్కు నొక్కి వేఁడుకోఁగా చిత్తము గరఁగె నాకు మొక్కేమయ్యా నీకు ముదమలర మిక్కిలి బుజ్జగించఁగా మించిన కోపము దీరె ఇక్కువకు రావయ్యా ఇందవయ్యా విడెము	॥ఇందాఁ॥
లాలించి కోఁగలించఁగా లలి మొక దాకిరాయ ఆల నైతినయ్యా నీకు నన్నిటా నేను మేలిములు నీ వాడఁగా మేలుదాననైతి నీకు యేలుకోవయ్యా చనవియ్యవయ్యా నాకును	॥ఇందాఁ॥
చేవట్టి గారవించఁగా చింతలెల్లాఁ బెడఁబాసె సేవ సేసేనయ్యా నీకు చేతులారాను శ్రీవేంకటేశ కూడఁగా నెలవుల నవ్వువచ్చె కైవసమై వుండువయ్యా కానీవయ్యా నమ్మితి	॥ఇందాఁ॥