ఆంధ్రభారతి - తాళ్లపాక అన్నమాచార్య కీర్తనలు - వెక్కసపు నీ కతలు విని విని వెగటయ్యీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1969-3
సంపుటము: 29-351

తాళ్లపాక అన్నమాచార్య

రాగము: రామక్రియ

వెక్కసపు నీ కతలు విని విని వెగటయ్యీ యెక్కడెక్కడ నీ పగటు యెవ్వరిఁ బోలుదువే	॥పల్లవి॥
ఆతఁడు నీ మగఁడనే వాలనైతి నీ వనేవు యేతులేమి చెప్పేవే యిందరితోను రాతిరిఁ బగ లీతని రతికిఁ గాచుకుండిన యీ తరుణిమణులలో నెవురిఁ బోలుదువే	॥వెక్క॥
నిన్నుఁ బాయలేఁ డనేవు నీకు వలచు ననేవు యెన్నిలేవే నీయాఁట వూడిగాలవారిలోన వున్నతి నాతనివద్ది వూడుగాలవారిలోన యెన్ని చెప్పే మంటే నీవు యెవురిఁ బోలుదువే	॥వెక్క॥
నీకు ననుచు ననేవు నీ వావులు దెలిపేవు యీకడ నీ మేకులక నేది గురుతే చేకొని న న్నేలినాఁడు శ్రీవేంకటేశ్వరుఁడు యీ కులకాంతలలో నీ వెవ్వరిఁబోలుదువే	॥వెక్క॥