ఆంధ్రభారతి - తాళ్లపాక అన్నమాచార్య కీర్తనలు - ఎంతవని సేసితివో యిందాఁకా నీవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1969-5
సంపుటము: 29-353

తాళ్లపాక అన్నమాచార్య

రాగము: ముఖారి

ఎంతవని సేసితివో యిందాఁకా నీవు చెంత నిన్ను గిజి గిజి సేసిన దెవ్వతయ్యా	॥పల్లవి॥
చెక్కులవెంటా నిండుఁ జమటలు గారఁగాను యెక్కడ నుండి వచ్చితి వేమయ్యా మక్కువతో నిన్నుఁ జూచి మనసు నీరై కరఁగె అక్కడ నెవ్వతె నిన్ను నలయించెనయ్యా	॥ఎంత॥
వీఁపువెంటాఁ గొప్పువీడి విరులు రాలఁగాను యేపున వడదేరీ యో మిదేలయ్యా వోపిన నీ యలమటకొగిఁ గనికరమాయ రాఁపుల నిన్నుఁ బెట్టిన రమణి యెవ్వతెయ్యా	॥ఎంత॥
సెలవులవెంటాఁ దమ్మచెదరులు రాలఁగాను యెలమిఁ గప్రమడిగే వెంత కెంతయ్యా అలరి శ్రీవేంకటేశ యట్టె నన్ను నేలితివి పొలఁతి యెవ్వతె నిన్నుఁ బుత్తెంచెనయ్యా	॥ఎంత॥