ఆంధ్రభారతి - తాళ్లపాక అన్నమాచార్య కీర్తనలు - చెలులాల చూడరే చెలువుని మన్ననలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1969-6
సంపుటము: 29-354

తాళ్లపాక అన్నమాచార్య

రాగము: పాడి

చెలులాల చూడరే చెలువుని మన్ననలు యెలమి నా భాగ్య మిఁక నేమని చెప్పుదునే	॥పల్లవి॥
ఆనలువెట్టి పిలిచి యాసలెంత రేఁచీనే తా నెంత నే నెంత తమకించీని ఆనుకొని నా వలపు ఆరడి నేల పెట్టీనే మోనముతోఁ జేతులెత్తి మొక్కుతా నుందానను	॥చెలు॥
కాలు దొక్కి మనసెంత కరఁగించి చొక్కించీనే యేలినవాఁడు తాను యిల్లాల నేను మూలనున్న నా సిగ్గు ముంగిట నేలవేసీనే గోలతనమున వేఁడుకొంటా నుందానను	॥చెలు॥
కూడి యంత సంతోసాన గుబ్బతిలఁ జేసీనే వేడుకకు ముందే తను వెనక నేను యీడనే శ్రీవేంకటేశుఁ డెనసి యాల మెచ్చీనే ఆడ నీడాఁ దనుఁ గొనియాడుతానుందానను	॥చెలు॥