ఆంధ్రభారతి - తాళ్లపాక అన్నమాచార్య కీర్తనలు - వాకిట నేమి సేసేవు వనిత నీకు మేలుది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1970-1
సంపుటము: 29-355

తాళ్లపాక అన్నమాచార్య

రాగము: సామంతం

వాకిట నేమి సేసేవు వనిత నీకు మేలుది దాకొని నీ వొడఁబాటు తప్పకువయ్యా	॥పల్లవి॥
వెన్నెల బాయటనుండి వెలఁది నిన్నుఁ బిలిచీ పన్నుకొని మరియేమో పని గద్దంటా యిన్నిటా నే మాడిగితే నించుకంతైనాఁ జెప్పదు విన్నపమేమి సేసీనో విందువు రావయ్య	॥వాకి॥
మేడలోననుండి నీకు మెలుఁత లేక లంపె జోడుగూడి సంతోసపు సుద్దులకును వోడక ముద్దురతోనే వున్నవి నేమెరఁగము జాడతోడ నీకు నీవే చదువుకోవయ్యా	॥వాకి॥
యింటితోనుండి వుంగర మింతి నీకుఁ జూపుమనె తొంటిమాఁట నీవే తలఁతు వనుచును జంటై వచ్చి కూడితివి సరుగ శ్రీవేంకటేశు అంటి యీకెతో నేకత మాడుకోవయ్యా	॥వాకి॥