ఆంధ్రభారతి - తాళ్లపాక అన్నమాచార్య కీర్తనలు - తా నూరకే యా పనులు దడవీఁ గాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1970-3
సంపుటము: 29-357

తాళ్లపాక అన్నమాచార్య

రాగము: దేసాళం

తా నూరకే యా పనులు దడవీఁ గాక నేనేమైనాఁ దనమీఁద నేరాలు వేసేనా	॥పల్లవి॥
యెట్టుండినా నమ్మక తన్నెగసక్కాలాడేనా పెట్టరాని యానలేల పెట్టుకొనీనే గుట్టుతోడఁ దలవంచుకొని వున్నదాన నేను నట్టనడుమఁ దానేల నవ్వులు నవ్వీనే	॥తానూ॥
యెంతసేసినాఁ దనపై యిట్టే నిందలు మోపేనా కాంతలఁ దెచ్చేల తారుకాణ సేసీనే సంతోసాన నాలో నేనే సమ్మతించుకున్నదాన చెంతనుండి మరి నేల సిగ్గులు వడీనే	॥తానూ॥
యేరీతి మెలఁగినాను యెగ్గుపట్టి దూరేనా సారె నన్నే లొడఁబరచఁగ వచ్చీనే కోరి శ్రీవేంకటేశుఁడు కూడినాఁడు దా నన్ను గారవించి యాల యిచ్చకములు నెరపీనే	॥తానూ॥