ఆంధ్రభారతి - తాళ్లపాక అన్నమాచార్య కీర్తనలు - ఎంత గుట్టు నెరపేవే యెందాఁకాను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1970-6
సంపుటము: 29-360

తాళ్లపాక అన్నమాచార్య

రాగము: శ్రీరాగం

ఎంత గుట్టు నెరపేవే యెందాఁకాను పొంతనే మగనితోఁ గాపురము సేయఁగదే	॥పల్లవి॥
వుమ్మగిలుఁ జెమటలు వుప్పతిలీ నీమేన కమ్ముకొన్నవలపు లెక్కడ దాఁచేవే నెమ్మది నీ తలపోఁత నిట్టూరుపులే చెప్పీ అమ్మరో నీ విరహ మెట్టడంచుకొనేవే	॥ఎంత॥
సురతపు టాసలు చూపులలోన నున్నవి వరుస నీ తమక మేవంకఁ బెట్టేవే నిరతపు నీ మర్మాలు నివ్వెరగులే చెప్పీ సొరిది నీ మోమువాడుచొ ప్పెట్టు మాపేవే	॥ఎంత॥
చేవదేరి పులకలు చెక్కలను నిండుకొనె కావరపు సిగ్గు లేడ గాదెఁబోసేవే నీ వలమేలుమంగవు నిన్నేలె శ్రీవేంకటేశుఁ - డీవల మదనచినలేగంపఁగమ్మేవే	॥ఎంత॥