ఆంధ్రభారతి - తాళ్లపాక అన్నమాచార్య కీర్తనలు - ఊరకే మన మిద్దరి నుప్పతించే మింతేకాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1971-1
సంపుటము: 29-361

తాళ్లపాక అన్నమాచార్య

రాగము: శుద్ధదేశి

ఊరకే మన మిద్దరి నుప్పతించే మింతేకాక వీరెప్పుడూను నొక్కటే వినరమ్మ చెలులు	॥పల్లవి॥
సెలవి నవ్వు నవ్వులు చిత్తము గరఁగించఁగా పలుకు చుట్టరికెము పైకొలుపఁగా కలికిచూపులు దమకములు రేఁచఁగాను వలవ కెట్టుందురమ్మ వనితలుఁ బతులు	॥ఊర॥
తక్కక మోవి తేనెలు తరితీపు సేయఁగాను మక్కువ సరసములు మరిగించఁగా చక్కఁదనములు లోలో సరి నాస వుట్టించఁగా చిక్కకెట్టుండుదురమ్మ చెలఁగి దంపతులు	॥ఊర॥
కొనగోరిచెనకులు గుట్టు విడిపించఁగాను తనువులకాఁగిళ్ళు తగిలించఁగా యెనసి శ్రీవేంకటేశుఁ డీ యలమేలుమంగను ననుచ కే లుందురమ్మ నాయకీ నాయకులు	॥ఊర॥