ఆంధ్రభారతి - తాళ్లపాక అన్నమాచార్య కీర్తనలు - ఏమి సేతుఁ జెలియా యెలయించీ నితఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1971-4
సంపుటము: 29-364

తాళ్లపాక అన్నమాచార్య

రాగము: ఆహిరి

ఏమి సేతుఁ జెలియా యెలయించీ నితఁడు కామించి కామించి కరఁగీ నా మనసు	॥పల్లవి॥
చెలిమి సేసినవాఁడు చేరి యెప్పుడు వచ్చీనో మలసి యేమని నాతో మాఁటలాడీనో నలిరేఁగి యెటువలె నవ్వులు నవ్వీనో తలఁచి తలఁచి కడుఁ దమకించీ మనసు	॥ఏమి॥
మొగము చూచినవాఁడు మోహమెంత నెరపీనో తగులై యెట్లా నన్ను దయసేసీనో మిగులాఁ జుట్టరికమై మెచ్చి యేమి యిచ్చీనో చిగిరించి చిగిరించి చిమ్మిరేఁగీ మనసు	॥ఏమి॥
సేసవెట్టినట్టివాఁడు సేవ లెటులాఁ గొనీనో వేసరక రతి నెంత వెలయించీనో ఆసల శ్రీవేంకటేశుఁ డలమేల్మంగను నేను లాసి లాసి కూడె వుల్లాసించీ మనసు	॥ఏమి॥