ఆంధ్రభారతి - తాళ్లపాక అన్నమాచార్య కీర్తనలు - కంతుఁడు సేసిన మాయ గడవరాదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1971-5
సంపుటము: 29-365

తాళ్లపాక అన్నమాచార్య

రాగము: వరాళి

కంతుఁడు సేసిన మాయ గడవరాదు యెంతైనాఁ దప్పించుకొన నెట్టు వచ్చునే	॥పల్లవి॥
నిక్కి చూచిన చూపుల నిండా నాసలు వుట్టించు మొక్కిన మొక్కులే కడు మొగ మోడించు పక్కన నవ్విన నవ్వే భావములు గరఁగించు యెక్కడాఁ దప్పించుకొన నెట్టు వచ్చునే	॥కంతుఁ॥
తలఁచిన తలఁపులే తగులాయములు సేసు పలికిన పలుకులే పాదకొలుపు సొలసిన సొలపులే చుట్టరిక మొనరించు యెలమిఁ దప్పించుకొన నెట్టు వచ్చునే	॥కంతుఁ॥
పెనఁగిన పెనఁగులే ప్రియములు వెడరేఁచు ననిచిన ననుపులే నంటుకొలుపు చెన కెలలమేల్మంగను శ్రీవేంకటేశుఁడు గూడె యెనసి తప్పించుకొన నెట్టు వచ్చునే	॥కంతుఁ॥