ఆంధ్రభారతి - తాళ్లపాక అన్నమాచార్య కీర్తనలు - వెలఁది చందములెల్లా విన్నవించితి మిదిగో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1971-6
సంపుటము: 29-366

తాళ్లపాక అన్నమాచార్య

రాగము: ముఖారి

వెలఁది చందములెల్లా విన్నవించితి మిదిగో తలఁపెరిఁగి మన్నించి దయఁజూడు మిఁకను	॥పల్లవి॥
చెలులతో నీ కతలు చెప్పి గొంత తనివొందు తలపోఁతలనుఁ గొంత తమకమార్చు కలలోన నీ రూప గని సంతసించుకొను కలికిఁ గాఁగిట నెపుడు గలసేవోకాని	॥వెలఁ॥
పొదలి నీ కెదురు చూపులఁ గొంత చెలరేఁగు కదియు రతి వేడుకలఁ గాఁకలార్చు ముద మలర నీ పదంబులు వాడి మది గరఁగు ఇది యెరిఁగి చన వెటుల నిచ్చేవోకాని	॥వెలఁ॥
నిను బయలు గాఁగిటను నించి కొంతపొద్దు జరపు వినుకలినిఁ దనలోని విరహ ముడుపు యెనసితివి శ్రీవేంకటేశ యలమేల్మంగను ననుపులిఁక నెటువలెను నడపేవోకాని	॥వెలఁ॥