ఆంధ్రభారతి - తాళ్లపాక అన్నమాచార్య కీర్తనలు - మేలు మేలు చెలులెల్లా మెచ్చిరి నీ చేఁతలకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1972-1
సంపుటము: 29-367

తాళ్లపాక అన్నమాచార్య

రాగము: ముఖారి

మేలు మేలు చెలులెల్లా మెచ్చిరి నీ చేఁతలకు చాలా నేరుపుల నీతో సరి యెవ్వరమ్మా	॥పల్లవి॥
పెదవినే మాఁటలాడి పిలిచేవు రమణుని కదలుఁ గన్నులఁ జూచి కరఁగించేవు వెదచల్లునవ్వులను వేడుకులు రేఁచేవు చదురుఁదనాల నీతో సరి యెవ్వరమ్మా	॥మేలు॥
సన్నలనే యాతనితో సాములెల్లాఁ జేసేవు తిన్నని తురుము చూపి తేలించేవు చన్నులంటి వలపులు చవులు వుట్టించేవు సన్నుతించేనంటే నీతో సరి యవ్వరమ్మా	॥మేలు॥
వింతగా మొక్కుతానే శ్రీవేంకటేశు నుబ్బించేవు పొంత నలమేల్మంగవై పోది సేసేవు యింతలోనే నిన్ను నేలె యీతఁ డిన్నిటా వలచి సంతతము నీతో నింత సరి యవ్వరమ్మా	॥మేలు॥