ఆంధ్రభారతి - తాళ్లపాక అన్నమాచార్య కీర్తనలు - వేడు కిది దాఁచరాదు వెల్లవిరిఁ జేయరాదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1972-5
సంపుటము: 29-371

తాళ్లపాక అన్నమాచార్య

రాగము: శంకరాభరణం

వేడు కిది దాఁచరాదు వెల్లవిరిఁ జేయరాదు కూడిన తారుకాణలు గుట్టుతోనే వున్నవి	॥పల్లవి॥
ఆడుకోలుమాఁట గద్దు ఆతనికి నాకును తోడితేవే విన్నవించే తోడనే నేను జోడిం చొకరితోఁ జెప్పేసుద్దులు గావు జాడతో నే నెరుఁగుదు సరిఁ దా నెరుఁగును	॥వేడు॥
సేసిన గురుతు గద్దు చేరి మా యిద్దరికి రాసికెక్కఁ జూచెను రమ్మనఁగదె మూసిమంతనములైన మొరఁగులవి ఆసల నాయందు నున్నవా తనందు నున్నవి	॥వేడు॥
యేకతపు పొందు గద్దు యిద్దరికిని జోకతో శ్రీవేంకటేశుఁ జూపఁగదవే మాకె తెలుసు నలమేలుమంగను నేను యీకడ నా మగఁ డీతఁ డీతని దేవులను	॥వేడు॥