ఆంధ్రభారతి - తాళ్లపాక అన్నమాచార్య కీర్తనలు - చిన్నదానఁ జెప్పేనంటే సిగ్గయ్యీ నాకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1973-1
సంపుటము: 29-373

తాళ్లపాక అన్నమాచార్య

రాగము: వరాళి

చిన్నదానఁ జెప్పేనంటే సిగ్గయ్యీ నాకు తన్నుఁ దానే తెలుసుక దక్కి వుండు మనవే	॥పల్లవి॥
సొలపుఁజూపుల తొల్లి చూచినచుట్టురికము పలుమారు నెడతాఁకి పాయని చుట్టరికము తలపోఁతలనే కడు దక్కిన చుట్టరికము కలదు తనకు నాకుఁ గరుణించు మనవే	॥చిన్న॥
మాఁటలనే మరిగిన మచ్చిక చుట్టరికము నాటుకొన్న వలపుల నమ్మిన చుట్టరిము తేటల సరసముల తెగని చుట్టరికము పూఁట వూఁట కిట్లానే పొదలించు మనవే	॥చిన్న॥
యెనసిన కాఁగిళ్ళలో హెచ్చిన చుట్టరికము మనసు మర్మములనే మాఁగిన చుట్టరికము తన దేవి నలమేల్మంగను తానే శ్రీవేంకటేశుఁ డొనర నన్నేలె నింకాఁ జనవు లిమ్మనవే	॥చిన్న॥