ఆంధ్రభారతి - తాళ్లపాక అన్నమాచార్య కీర్తనలు - ఎక్కడనుండి వచ్చెనో యేఁకరి నీ రతులకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1973-2
సంపుటము: 29-374

తాళ్లపాక అన్నమాచార్య

రాగము: బౌళి

ఎక్కడనుండి వచ్చెనో యేఁకరి నీ రతులకు చిక్కించుక కాఁపురము సేయవయ్యా	॥పల్లవి॥
లక్కవలెఁ గరఁగీని లలన నీ మాఁటలకు చొక్కుచు నాపె వలపు చూడవయ్యా మొక్కుచు వినయాన నీ ముందర నిలుచున్నది అక్కర యెంత గలదో అడుగవయ్య	॥ఎక్క॥
జిగురువలె నంటీని చెలియ నీ పొందులకు తెగని చుట్టరికము తెలియవయ్యా నగుతా సారెకు నీతో ననుపులే పచరించీ చిగిరింపుఁ గోరికలు చెల్లించవయ్యా	॥ఎక్క॥
తేగెవలె నల్లుకొనీ తెరవ నీ కాఁగిటికి జాగులు సేయ కది విచారించవయ్యా యీగతి శ్రీవేంకటేశ యే నలమేలుమంగను బాగుగా నన్నేలితి వాపడఁతి నేలవయ్యా	॥ఎక్క॥