ఆంధ్రభారతి - తాళ్లపాక అన్నమాచార్య కీర్తనలు - కంటిమి వింటిమి మీ కతలెల్లాను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1973-3
సంపుటము: 29-375

తాళ్లపాక అన్నమాచార్య

రాగము: పాడి

కంటిమి వింటిమి మీ కతలెల్లాను జంటలై మీ కోరికలు సాదించుకోరాదా	॥పల్లవి॥
చెలిమి సేసినవారు సిగ్గులు వడ నేఁటికి నలిరేఁగి వేడుకతో నవ్వుట గాక మొలచిన వలపులు మూసి దాఁచ నేమిటికి చెలరేఁగి వెల్లవిరి సేసుకొనరాదా	॥కంటి॥
ఆస గలిగినవారు నుమానించ నేఁటికి తాసువలెఁ గూడి మాడి దక్కుటగాక సేసవెట్టి పెండ్లాడుతూ శిరసు వంచ నేఁటికి పోసరించి వెరవక భోగించరాదా	॥కంటి॥
చనవు గలుగువారు జడియఁగ నేమిటికి పెనఁగి రతులు పైపైఁ బెంచుటగాక యెనసితివి శ్రీవేంకటేశ యలమేల్మంగను నను వలెనే యాకెతో నంటు సేయరాదా	॥కంటి॥