ఆంధ్రభారతి - తాళ్లపాక అన్నమాచార్య కీర్తనలు - ఎఱుఁగుదుఁ దన సుద్దు లిన్నియుఁ దొల్లె నేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1973-6
సంపుటము: 29-378

తాళ్లపాక అన్నమాచార్య

రాగము: లలిత

ఎఱుఁగుదుఁ దన సుద్దు లిన్నియుఁ దొల్లె నేను తఱచాయ ముచ్చటలు తలఁచుకొమ్మనవే	॥పల్లవి॥
ననుపులు నిజమైతే నవ్వులు సేనాసేన మనసు లెనసితేను మాఁటలు పెక్కు వినయము నెరిచితే వెలయు సంగాతము తనతో నెదురాడేనా దగ్గరి రమ్మనవే	॥ఎఱుఁ॥
చూపులు నాఁటఁ జూచితే చొక్కులు కోటానఁగోటి వోపికలు గలిగితే వొడి నిండును కాఁపురాలు సతమైతే కైవసమౌ వలపులు యే పనులు చెప్పినాను ఇయ్యకొంటి ననవే	॥ఎఱుఁ॥
సరసము లొనరితే చనవులు చెల్లుబడౌ సరవులు చక్కనైతే చవులు వుట్టు ఇరవై శ్రీవేంకటేశుఁ డిప్పుడు వచ్చి నన్నేలె మరిగితి నిట్లనే మన్నించు మనవే	॥ఎఱుఁ॥