ఆంధ్రభారతి - తాళ్లపాక అన్నమాచార్య కీర్తనలు - నాపై బత్తి గలఁడు నన్ను మన్నించీ నితఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1974-2
సంపుటము: 29-380

తాళ్లపాక అన్నమాచార్య

రాగము: పాడి

నాపై బత్తి గలఁడు నన్ను మన్నించీ నితఁడు రేపు మాపుఁ జింత లిఁక రేఁచకురే మీరు	॥పల్లవి॥
చెలిమి సేసినవాఁడు సేవ గొనకుండునా పలుమారు పతికిఁ జెప్పుకురే మీరు వలపించినట్టివాఁడు వాడిక లెరఁగఁడా బలిమిసేసి కొంగువట్టకురే మీరు	॥నాపై॥
యింటికి వచ్చినవాఁడు యెనయక వుండునా అంటి ముట్టి సారె సొలయకురే మీరు జంటయై పాయనివాఁడు చనవెల్లా నియ్యఁడా దంటతనాన నేమీఁ దడవకురే మీరు	॥నాపై॥
నమ్మిక లిచ్చినవాఁడు నన్ను నేలకుండునా కమ్మటిఁ గమ్మిటిఁ బెనఁగకురే మీరు ఇమ్ముల శ్రీవేంకటేశుఁ డిటు వచ్చి నన్నుఁ గూడె చిమ్ముఁగొనగోళ్ల సన్న సేయకురే మీరు	॥నాపై॥