శృంగార సంకీర్తన
రేకు: 1974-5
సంపుటము: 29-383
రేకు: 1974-5
సంపుటము: 29-383
తాళ్లపాక అన్నమాచార్య
రాగము: రామక్రియ
| ఎవ్వ రెరుఁగుదురమ్మా యిటువంటి నీ సుద్దు- లివ్వల నేఁ డప్పటి మా యింటికి వచ్చితివి | ॥పల్లవి॥ |
| కలికితనములనే కరఁగించితివి పతి సెలవి నవ్వులు నవ్వి చిమ్మిరేఁచితి మలకల మాఁటలాడి మరిగించుకొంటివి యెలమి నీతని నింకా నేమి సేతువో | ॥ఎవ్వ॥ |
| చేతులెత్తి మొక్కి మొక్కి చేతికి లోఁ జేసితివి యేతులెల్లాఁ జూపి చూపి యెలయించితి కాతరానఁ గాలు దొక్కి కడుఁ జోకఁ జేసితివి యీతల నీతని నింకా నెంత సేతువో | ॥ఎవ్వ॥ |
| సన్నల నీ మోవినే చవులు గొలిపితివి పన్నుక చెనకులనే భ్రమయించితి యిన్నిటా శ్రీవేంకటేశుఁ డీతఁ డిట్టె నన్నుఁ గూడె యెన్నిక చేఁతల నీవు యెంత సేతువో | ॥ఎవ్వ॥ |