ఆంధ్రభారతి - తాళ్లపాక అన్నమాచార్య కీర్తనలు - నవ్వేవారి నెఱఁగవు నాతిరో నీవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1974-6
సంపుటము: 29-384

తాళ్లపాక అన్నమాచార్య

రాగము: మాళవిగౌళ

నవ్వేవారి నెఱఁగవు నాతిరో నీవు పువ్వువంటి సిగ్గు దెచ్చి పొల్లు సేయవలదే	॥పల్లవి॥
హత్తి నేనూ నాతఁడు నంటి సరసమాడఁగా పొత్తుగలయవచ్చేవు పొసఁగునటే కొత్తగాఁ గన్నకలలు కోరి నేము చెప్పుకోఁగా వొత్తి యర్థా లడిగేవు వుండఁబట్ట దటవే	॥నవ్వే॥
జాడతో నిద్దరము సేసలు చల్లుకొనఁగాను తోడఁ బెండ్లాడ వచ్చేవు దొరసునటే నీడల చక్కఁదనాలు నే మద్దములోఁ జూడఁగా ఆడ నీ మొగము చూపే వమరునటే	॥నవ్వే॥
తేరకొన మాలో నేము తెరవేసుకుండఁగాను పోర చెడుగ వచ్చేవు పొద్దువోదటే యీరీతి శ్రీవేంకటేశుఁ డిన్నిటా న న్నేలఁగాను నేరిపేవు రతు లోతనికిఁ దగునటవే	॥నవ్వే॥