ఆంధ్రభారతి - తాళ్లపాక అన్నమాచార్య కీర్తనలు - ఎట్టున్నదో నీ చిత్తము యెఱఁగమయ్యా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1975-1
సంపుటము: 29-385

తాళ్లపాక అన్నమాచార్య

రాగము: సౌరాష్ట్రం

ఎట్టున్నదో నీ చిత్తము యెఱఁగమయ్యా చుట్టపు వరుసలివి చూచుకొనేవయ్యా	॥పల్లవి॥
చెలిచే నప్పుడు నీవు చెప్పి పంపిన సుద్దులు వెలఁది వేడుకతోడ వినెనయ్యా వలపులు లేకలపై వాఁతలఁ జదువుకొని నలిరేఁగి పకపక నవ్వెనయ్యా	॥ఎట్టు॥
అచ్చలాన నీ వుంగర మానవాలు చూచుకొని ముచ్చటతోఁ జేతులెత్తి మొక్కెనయ్యా మచ్చిక నీవు మన్నించే మన్నన దలఁచుకొని కచ్చు పెట్టి సంతోసానఁ గడుఁ బొగడేనయ్యా	॥ఎట్టు॥
కడు బత్తి సేసి నీవు కాఁగిలించుకొన్నందుకు కడఁకతోడ మనసు గరఁగెనయ్యా యెడయక శ్రీవేంకటేశ నీ గుణ మెరిఁగి బడివాయనని నీతో బతిమి వట్టెనయ్యా	॥ఎట్టు॥