ఆంధ్రభారతి - తాళ్లపాక అన్నమాచార్య కీర్తనలు - మంచివాయఁ బనులెల్లా మడుఁగులో మైలలేలే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1975-2
సంపుటము: 29-386

తాళ్లపాక అన్నమాచార్య

రాగము: సామంతం

మంచివాయఁ బనులెల్లా మడుఁగులో మైలలేలే నించి నించి నీ మగఁడు నీతో నవ్వఁగాను	॥పల్లవి॥
బొమ్మల విండ్లేమిటికి పూఁచి యెక్కువేట్టేవే కుమ్మరింపుఁజూపులనే గురుతులేల యేసేవే వుమ్మగిలునిష్టూరము లొడిఁగట్టుకొననేలే వుమ్మడి నీతఁడు నిన్ను నొడఁబరచఁగాను	॥మంచి॥
మాటల కత్తు లేఁటికి మరి యెంత నూరేవే చాటు వెట్టుక గుబ్బల సాము లెందాఁకాఁ జేసేవే గాఁటపుచలము లింత గాదెఁ బోసుకోనేలే కూటమి కితఁడు వేఁడుకొని కొసరఁగను	॥మంచి॥
సిగ్గుల యరిగె లేల చేరి చాటు వెట్టేవే బగ్గనఁ దమకముల పౌఁజు లెంత చూపేవే వొగ్గి కాఁగిటిలోఁ బంతా లూరకే నెరపనేలే యెగ్గులేక శ్రీవేంకటేశుఁడు నిన్నేలఁగాను	॥మంచి॥