ఆంధ్రభారతి - తాళ్లపాక అన్నమాచార్య కీర్తనలు - చూడఁ బిన్నదానవు జూటుఁదనాలు గనము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1975-3
సంపుటము: 29-387

తాళ్లపాక అన్నమాచార్య

రాగము: బౌళి

చూడఁ బిన్నదానవు జూటుఁదనాలు గనము వాడికెతోఁ బతి నెంత వలపించేవే	॥పల్లవి॥
తెలరమఁగులలోని తేటమాఁటలు విరులఁ బూఁచి వేసేవేడుకలు పొరుగునఁ గొసరేటిపోరచులు నిరతితో నెన్నడూ నేరిచితివే	॥చూడఁ॥
కలికితనాల మించు కనుచూపులు తలకొన్న చెనకుల తమిరేఁపులు వులివచ్చిసిగ్గుల వొడఁబాటులు కలిగించుకొంటి వెంత కత కరచితివే	॥చూడఁ॥
బడి బడి రతులలో పడితాళాలు కడఁగి సరసాలలో గబ్బితనాలు తొడరి శ్రీవేంకటేశు తోడి కూటాలు కడలేని చేఁత లెందు గడిఇంచుకొంటివే	॥చూడఁ॥