ఆంధ్రభారతి - తాళ్లపాక అన్నమాచార్య కీర్తనలు - నా మన సేమి చూచీని నంటునఁ దానే నేను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1975-4
సంపుటము: 29-388

తాళ్లపాక అన్నమాచార్య

రాగము: రామక్రియ

నా మన సేమి చూచీని నంటునఁ దానే నేను యేమి నన నిఁక నేల ఇంటికి రమ్మననే	॥పల్లవి॥
పాయని చుట్టరికము పరిసిపోదెంతైనా నాయముతోడి నడక నమ్మవచ్చును చేయి మీఁదిఇనచేఁత చెల్లుబడి గాక పోదు యేయెడాఁ గొంకఁగనేల యింటికి రమ్మనవే	॥నా మన॥
మచ్చికతోడివలపు మానుపరా దెంతైనా అచ్చలమైనసరస మాస రేఁచును కొచ్చి కొచ్చి పెనఁగితే కూటములు చవివుట్టు యెచ్చరిక సేయనేల యింటికి రమ్మనవే	॥నా మన॥
దట్టమైన వినయాలు దాఁగనియ్య వెంతైనా నెట్టుకొన్న పొందులు నెరవేర్చును జట్టిగొని శ్రీవేంకటేశ్వరుఁడు నన్నిపుడేలె యిట్టె దిన దినమూ నింటికి రమ్మననే	॥నా మన॥