ఆంధ్రభారతి - తాళ్లపాక అన్నమాచార్య కీర్తనలు - ఎన్నేని విన్నవించే మిపుడు నీకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1975-5
సంపుటము: 29-389

తాళ్లపాక అన్నమాచార్య

రాగము: వసంతవరాళి

ఎన్నేని విన్నవించే మిపుడు నీకు అన్నీ నీవే తెలుసుక యాదరించవయ్యా	॥పల్లవి॥
అలివేణిమదిలోని ఆడియాసలు పలుకుల వినయపు పరిబాసలు చెలరేఁగి పట్టిన దోసిటి సేసలు చెలియ చందము లివి చిత్తగించవయ్యా	॥ఎన్నే॥
కమ్ముకొన్న తమకపుకనుచూపులు తమ్ములపు మోవితేనె తరితీపులు పిమ్మట సన్నలు సేసే పెరరేఁపులు నెమ్మది నీవెచూచి మన్నించఁగదవయ్యా	॥ఎన్నే॥
వొద్దికైననీపై మొగమోటలు కొద్దిలేని నీ రతులు కూటములు ముద్దరాలి నేలితివి ముప్పిరి శ్రీవేంకటేశ పొద్దు వొద్దు దప్పకుండా భోగించవయ్యా	॥ఎన్నే॥