ఆంధ్రభారతి - తాళ్లపాక అన్నమాచార్య కీర్తనలు - సరిలేని వలపుల జాణకాఁడవు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1975-6
సంపుటము: 29-390

తాళ్లపాక అన్నమాచార్య

రాగము: మాళవిగౌళ

సరిలేని వలపుల జాణకాఁడవు యిరవై నేమెల్లా నీకు నే నెచ్చరించవలెనా	॥పల్లవి॥
చెయివట్టి చెయివట్టి చెలి చుద్దులు చెప్పఁగా యేయడ పరాకు నీకు నేమయ్యా ఆయాలంటి ఆయాలంటి యప్పటి వేఁడుకోఁగాను కాయజ కేలికి నీకెఁ గరుణించవయ్యా	॥సరి॥
సన్నసేసి సన్నసేసి సారె నిన్నుఁ బిలువఁగా యెన్నఁడు మన్నించేవు యేమయ్యా చన్ను లొత్తి చన్ను లొత్తి సాములు నీతోఁజేయఁగా చెన్నుగా నీకె చనవు చెల్లించఁదగదా	॥సరి॥
సేవసేసి సేవసేసి చేతులెత్తి మొక్కఁగాను యేవేళఁ జిత్తగించేవు యేమయ్యా వేవేలు చందాలను శ్రీవేంకటేశ కూడితివి యీవిధాన నేలి యీకె నింత సేయఁదగదా	॥సరి॥