ఆంధ్రభారతి - తాళ్లపాక అన్నమాచార్య కీర్తనలు - నీ మేలులోనివారము నీ వేల సిగ్గు వడేవే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1976-3
సంపుటము: 29-393

తాళ్లపాక అన్నమాచార్య

రాగము: ఆహిరి

నీ మేలులోనివారము నీ వేల సిగ్గు వడేవే దోమటి నీ చేఁతలు సంతోసించేముగాక*	॥పల్లవి॥
చెక్కుల మీఁదటఁ గారే చెమటలే చెప్పీని నెక్కొని యాతని తోడి నీ పొందులు జక్కవ చన్నుల నుండే చందమామలే చెప్పీని యెక్కడలేని యానలేల పెట్టుకొనేవే	॥నీ మేలు॥
వుమ్మగిలుచున్న నీ నిట్టూరుపులే చెప్పీని వుమ్మడిఁ బెనఁగులాట వుదుటులెల్లా కమ్ముకొన్న నీ మొగముకళ లివె చెప్పీని యిమ్ముల నీ సాదుఁ దనా లేమి నెరపేవే	॥నీ మేలు॥
తొడరి జారిన నీ తురుమిదె చెప్పీని కడలేని రతుల నీ కలయికలు యెడయని శ్రీవేంకటేశు వుంగరమే చెప్పీ యెడ నెడ నీ పంతా లెన్ని చెప్పేవే	॥నీ మేలు॥