ఆంధ్రభారతి - తాళ్లపాక అన్నమాచార్య కీర్తనలు - ఇటువంటి వాఁడవుత యెఱఁగమమ్మా నేము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 1976-4
సంపుటము: 29-394

తాళ్లపాక అన్నమాచార్య

రాగము: సామంతం

ఇటువంటి వాఁడవుత యెఱఁగమమ్మా నేము నటియించి మన్ననలు నాకు నిచ్చీ నితఁడు	॥పల్లవి॥
యింత బత్తే కలిగితే నింటికి రావలెఁగాక సంత వలపులు మీఁదఁ జల్ల నేఁటికే వింతవారెల్లాఁజాడఁగా విడె మియ్య వచ్చీని కాంతనైతినే నన్నుఁ గాకు సేతు రటవే	॥యిటు॥
మిక్కిలి చుట్టమైతేను మేలమాడవలెఁగాక మిక్కుటపు నవ్వు నవ్వి మీర నేఁటికి పక్కనఁ గొలువులోన పయ్యదకొంగువట్టీని చక్కనిదాననైతేనే చండి సేతు రటవే	॥యిటు॥
కూడ వేడుకైతేను గుట్టు సేయవలెఁగాక యెడనైనాఁ జెనకీని యిది యేఁటికే వేడుకతో నన్నేలి శ్రీవేంకటేశుఁడు చొక్కీని యీడైనదాననైతేనే ఇంత సేతు రటవే	॥యిటు॥